Ulttyq ulan jaýyngerleri Jańaózende er adamdy esirtkimen qolǵa túsirdi
ORAL. QazAqparat - Ulttyq ulan jaýyngerleri Jańaózen qalasynda er adamdy esirtkimen ustady, dep habarlaıdy «QazAqparat» tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, quramynda qatardaǵy jaýyngerler, Vasılıı Shıshıkın, Musa Aqádil jáne Artem Novıkov bar top keshkisin №3 shaǵynaýdanda 14-úıdiń janynan kúdikti adamdy baıqaıdy. Top basshysy Vasılıı Shıshıkın bul jóninde kezekshige habarlap, Ulttyq ulan jaýyngerleri er adamǵa jaqyndaǵanda, ol sytylyp ketpek bolady. Áskerı top ustaǵan kezde A. degen azamattan esirtkige uqsas zat salynǵan orama tabyldy.
Atalǵan azamat Jańaózen qalalyq ishki ister bólimine jetkizilip, QR QK 296-babyna sáıkes tekserildi. Atalmysh zattyń marıhýana ekendigi dáleldendi.
Qyraǵylyq kórsetkeni úshin úsh jaýynger áskerı bólim komandırimen yntalandyryldy.
