Ulttyq ulan jaýyngerleri oraldyq turǵyndy esirtkimen ustady
ORAL. QazAqparat - QR Ulttyq ulany «Batys» óńirlik qolbasshylyǵyna qarasty 5517-áskerı bóliminiń jaýyngerleri oraldyq turǵyndy esirtkimen ustady, dep habarlaıdy «QazAqparat» tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, quramynda Sultan Іlııasov, Marat Ramazanov, Oralbek Myńtóre bar top «Astana» saýda úıi aýdanynda, Ábilqaıyr han kóshesi boıyndaǵy «Sáken» avtokólik jýý nysany mańynda keshki saǵat 21.00 shamasynda qolyna shpırts alyp, bilegine ınesin tyqqan jas jigitti kóredi. Kýágerlerdiń qatysýymen syrttaı qaraý kezinde onyń qaltasynan oramaǵa salynǵan jasyl tústi esirtki zaty tabyldy.
Ustalǵan turǵyn polıtsııa bólimine jetkizildi.
Qyraǵylyq kórsetkeni úshin atalǵan jaýyngerler áskerı bólim komandırimen yntalandyryldy.
