Ulttyq ulan jaýyngerleri qudyqqa qulaǵan áıeldi qutqardy
ASTANA. QazAqparat - Astanada Ulttyq ulan jaýyngerleri qudyqqa qulap ketken áıeldi qutqardy, dep habarlaıdy QazAqparat Ulttyq ulannyń jedel quramasyna silteme jasap.
Oqıǵa 10 qańtar kúni keshki saǵat 19.30 shamasynda Qorǵaljyn tasjoly boıynda boldy. Ulttyq ulannyń 5573 áskerı bóliminiń eki áskerı qyzmetshisi úılerine kólikpen qaıtyp bara jatqan. Áıel Maqsat Amanqul men Jomart Jeksembaevtyń kózinshe ashyq turǵan qudyqqa qulap ketken.
«Fonar jaǵyp qarasaq, qudyqtyń tereńdigi 3-4 metrdeı eken. Jomart dereý kólikten tross ákeldi. Belime baılap tómenge tústim. Bizdi baıqaǵan kisiler de kómekke kelip jatty. Olardan dereý jedel járdem shaqyrýyn ótindik. Ekinshi trostyń kómegimen apaıdy aldymen, joǵary shyǵaryp jiberdim. Elýler shamasyndaǵy kisi eken, ústi malmandaı sý bolypty. Otbasy men baýyryna da habarlastyq», - deıdi efreıtor Maqsat Amanqul.
Medıtsınalyq tekseris nátıjesinde áıeldiń aýyr jaraqat almaǵany anyqtaldy. Tek denesiniń ár tusynda gematomalar qalǵan.
«Telefonym sýdan istemeı qaldy. Kómekke kimdi, qalaı shaqyrar edim? Qutqaryp úlgerýshi me edi... Ony oılaýdyń ózi qorqynyshty. Sarbazdarǵa kóp rahmet! Joldary ashyq bolsyn dep batamdy berem, bar jaqsylyqty tileımin», - deıdi Aqqoıan Oljabaıqyzy.
