Ulttyq ulan jaýyngerleri Esilge batyp bara jatqan adamdy qutqardy
NUR-SULTAN. QazAqparat - Ulttyq ulan jaýyngerleri qoǵamdyq tártip pen qaýipsizdikti qamtamasyz etý kezinde Esil ózenine batyp bara jatqan astana turǵynyn qutqaryp qaldy.
Ulttyq ulan 5573 áskerı bóliminiń jaýyngerleri Oralbek Jıenbaı, Nurbol Tileýbek jáne Erbolat Qanatbek elordadaǵy Atatúrik saıabaǵyndaǵy Esil jaǵalaýynda qyzmet atqaryp júrgen.
Sol kezde ózende qolyn sermep, tunshyǵyp jatqan adamdy kórip, jedel kómekke asyqty.
Aldymen qatardaǵy Oralbek Jıenbaı sýǵa sekiredi. Onyń artynsha patrýldik top bastyǵy kishi serjant Aıbat Esirkep te ózenge súńgidi.
Ekeýi sýǵa batyp bara jatqan 1978 jylǵy N. esimdi azamatty sýdan shyǵaryp alady.
- Jaǵalaý boıy kele jatqanbyz. Kenet «Kómektesinder!» degen daýysty estidik. Qarasaq bir adam ózenniń ortasynda sýǵa batyp bara jatyr eken. Arǵy jaǵaǵa jete almaı, sharshaǵannan kúshi taýsylǵan sııaqty. Biz ony sýdan shyǵaryp aldyq, - deıdi qatardaǵy Oralbek Jıenbaı.
Oqıǵa ornyna tártip saqshylary da keldi. Turǵynnyń ne sebepti osy jerde sýǵa túskenin quzyrly organ qyzmetkerleri anyqtap jatyr.
