Ulttyq ulan jaýyngerleri er adamdy ajaldan qutqardy

ASTANA. QazAqparat - Ulttyq ulan jaýyngerleri elordada 9-qabattyń terezesinen sekirmek bolǵan er adamdy qutqaryp qaldy, dep habarlaıdy QazAqparat tilshisi.

Ulttyq ulan baspasóz qyzmetiniń málimetinshe, keshe keshkisin saǵat 20:30 shamasynda Astana qalasyndaǵy Abylaı han kóshesiniń boıynda qoǵamdyq qaýipsizdikti qadaǵalap júrgen 5573 áskerı bóliminiń áskerı jasaǵy 9 qabatty turǵyn úıdiń terezesinde otyrǵan er adamdy baıqaǵan.

Jasaq bastyǵy, qatardaǵy jaýynger Ádilet Nurbaev ratsııa arqyly jedel baılanysqa shyǵyp, bıikten sekirý arqyly óz-ózine qol salmaq bolǵan kisi jaıly aqparatty kezekshi bólimge habarlaıdy. Sodan soń ulandyq jaýyngerler Ádilet Nurbaev pen Aıbek Almahanov jáne Narıman Ahmet dereý toǵyzynshy qabatqa kóterilgende, terezeden tómen sekirýge yńǵaılanyp otyrǵan er adamdy kóredi.

«Sarbazdar ózderine senimdi keıipte ári ábjil áreket etip, azamatty ajal aýzynan qutqaryp qaldy. Keıinnen ol tıisti sala mamandarynyń óz deńgeıinde jumys júrgizýi úshin Almaty aýdandyq ІІB qyzmetkerlerine tapsyryldy»,- dep atap ótti baspasóz qyzmetinen.