Ulttyq ulan jaýyngerleri áıel men balany qutqardy
QR Ulttyq ulany «Batys» óńirlik qolbasshylyǵynyń baspasóz qyzmeti málim etkenindeı, oqıǵa 14 qyrkúıek kúni shamamen saǵat 09.00-de Terekti aýdany Poıma eldi mekeni mańynda boldy.
«Batys» óńirlik qolbasshylyǵyna qarasty 5517-áskerı bólim komandıriniń orynbasary, maıor Jeńis Asylbekov,
sanıtarlyq nusqaýshy, efreıtor Abylaıhan Amangeldın jáne júrgizýshi, qatardaǵy jaýynger Qýanysh Ábilqasym «Suńqar» oqý ortalyǵyna qyzmettik sanıtarlyq kólikterimen kele jatyp, temirjol ótkelinde jol apatynyń kýási bolady.
Mınıven avtokóliginiń júrgizýshisi joǵary jyldamdyqpen kele jatyp, rýlge ıe bola almaı, aýdarylýǵa jol bergen. Ulttyq ulan jaýyngerleri oqıǵa ornyna tez jetip, jedel qyzmetti shaqyrǵannan keıin A.Amangeldın men
Q.Ábilqasym avtoólikten jolaýshylardy alyp shyǵyp, alǵashqy medıtsınalyq járdem kórsetti. Sodan keıin
ıyǵynan jaraqat alǵan 65 jastaǵy áıel men onyń bes jasar nemeresin Podstepnyı aýylyndaǵy aýrýhanaǵa jetkizdi.
Qıyn jaǵdaıda tez áreket etken Ulttyq ulan jaýyngerleri áskerı bólim komandırimen yntalandyryldy.
Eske sala keteıik, budan buryn Oralada joǵalyp ketken jasar balanyń aman-esen tabylǵanyn jazǵan bolatynbyz.
