Ulttyq ulan jaýyngerleri Atyraýda bekire tıelgen júk kóligin ustady
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, balyq «KamAZ» avtokóligi kýzovynyń astyna jasyrylǵan bolyp shyqty.
Keshe saǵat 15.30 shamasynda «Bekire-2019» jedel aldyn alý sharasy barysynda quramynda serjant Saıat Beısenov, qatardaǵy jaýynger Jiger Qalaýov bar top polıtseılermen birge «Pechnoı» beketinde atalmysh avtokólikti toqtatqan.
Avtokólikti qaraǵan kezde kýzovtyń astynan eki polıetılen ydysqa salynǵan, salmaǵy 35 kelideı bekire tuqymdas balyq tabyldy. Júrgizýshide balyqty tasymaldaýǵa ruqsat etetin qujat bolǵan joq. Іsti odan ári qaraý úshin júrgizýshi polıtsııa qyzmetkerlerine tapsyryldy.
Qazirgi kezde Atyraý polıtsııa departamenti QR QK 339-babyna sáıkes sotqa deıingi tergeý amaldaryn júrgizip jatyr.
