Ulttyq ulan jaýyngerleri Atyraýda 24 mln. teńgeni qymqyrǵan qaraqshyny ustady
ORAL. QazAqparat - Búgin Atyraý qalasynda shamamen saǵat 08.40-ta QR Ulttyq ulany «Batys» óńirlik qolbasshylyǵyna qarasty 5546-áskerı bólimniń qyzmetkerleri, serjant Bekbolat Nurtazaev, kishi serjant Serik Ryskeldıev qyzmettik avtokóligimen «Bekire» jedel aldyn alý sharasy barysynda «Damba» beketine bara jatyp, tosyn oqıǵanyń ústinen tústi, dep habarlaıdy «QazAqparat» tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, áskerı qyzmetkerlerdi belgisiz azamat toqtatyp, joldan onsha qashyq emes jerde qarýly er adamnyń avtokólikten qashyp júrgenin habarlaıdy. Jaǵdaıdy sol boıda «102» nómirine jáne «Damba» beketindegi aǵa serjant Muhtar Órbisinovke habarlaǵan B.Nurtazaev S.Ryskeldıevpen birge qashqan azamattyń sońyna túsedi. Osy kezde oqıǵa ornyna ishki ister organynyń qyzmetkerimen birge M.Órbisinov te jetip, tórteýi atalǵan kúdiktini qolǵa túsiredi. Ony tintken kezde qaltasynan «Osa» travmatıkalyq tapanshasy tabyldy.
Keıin anyqtalǵanyndaı, buryn sottalǵan 1990 jylǵy S. degen azamat sybaılasymen birge qaraqshylyq shabýyl jasap, páter ıesi áıeldi baılap tastap, 24 mln. teńge qarjysyn jymqyryp ketip, boı tasalamaq bolǵan.
Ustalǵan kúdikti QR QK 192-baby 3-bólimine sáıkes ishki ister organy qyzmetkerlerine tapsyryldy.
Qyraǵylyqtary men batyl is-áreketteri úshin atalǵan áskerı qyzmetkerler yntalandyrýǵa usynyldy.
