Ulttyq ulan jaýyngeri tútindegen páterden 3 búldirshindi qutqardy
NUR-SULTAN. QazAqparat - Ulttyq ulan qyzmetkeri elordalyq áıelge túski ýaqytta órt shyqqan páterden úsh búldirshindi alyp shyǵýǵa kómektesti, dep habarlaıdy QazAqparat.
Jýyrda Ulttyq ulan áskerı qyzmetshisi, efreıtor Temirlan Ámirǵazın azyq-túlik dúkeninde turǵanda tóbeden sylaq túsip, jeldetý shahtasynan qoıý tútin shyǵyp jatqanyn baıqaıdy.
Qaýipti sátti qalt jibermegen jaýynger dúkenge kelýshiler men satýshylardyń tez arada dalaǵa shyǵýyn ótinedi.
Osy ýaqytta ol tútinniń ekinshi qabattan shyǵyp jatqanyn baıqaıdy. Sóıtse bul dúken satýshysynyń páteri eken.
Ulandyq jaýynger dereý órt sóndirýshi qyzmetke qońyraý shalyp, úı ıesimen birge baspanadan 3 búldirshindi qaýipsiz jerge alyp shyǵady.
«Dúkende turǵanda men tóbeden qulaǵan zattardy baıqap qaldym, al tútin shyqqanda bárimiz syrtqa shyqtyq. Dúken ıesi ýaıymdaı bastady. Óıtkeni, tútindegen páter sonyki eken. Úıde onyń balalary bar eken. Dereý álgi páterge kóterilip, ishindegi balalardy jáne kórshi páterdegi eki balany syrtqa shyǵardyq. Órt sóndirýshiler kelgenshe terezelerdi ashyp, elektr qurylǵylardy óshirdim», - deıdi efreıtor Temirlan Ámirǵazın.
