Ulttyq ulan sarbazy sottalýshynyń túrmeden qashýyna jol bermedi
TÚRKІSTAN. QazAqparat - Túrkistan oblysynda Ulttyq ulan jaýyngeri sottalýshynyń túrmeden qashýyna jol bermedi. Bul týraly «Ońtústik» óńirlik qolbasshylyǵynyń baspasóz qyzmeti málimet taratty, dep habarlaıdy QazAqparat tilshisi.
Keleńsiz jaǵdaı 9-shy qazan kúni Leńgir kentiniń mańynda ornalasqan ÝIS-108 túzetý mekemesinde bolǵan.
«6698 áskerı bóliminiń áskerı qyzmetshisi Ivan Dorohın bekette saqshy mindetin atqaryp turyp, sottalýshylardyń biri qatardy tastap ketkenin kóredi. Jazasyn óteýshiniń tyıym salynǵan ishki aımaqqa júgirip bara jatqanyn baıqaıdy. Jaýynger tez arada bolǵan jáıtti qaraýyl bastyǵyna baıandap, dabyl núktesin basqan. Qashýǵa áreket etken sottalýshyǵa eskertý jasap, aspanǵa oq atqan. Sóıtip ulandyq jaýyngerdiń qyraǵylyǵynyń arqasynda áskerı jasaq bastyǵy J. Asqarov pen túzeý mekemesi bastyǵynyń kómekshisi N. Úsenbaevtar sottalýshyny qolǵa túsirgen», - delingen habarlamada.
Jaýynger Ivan Dorohın joǵary qolbasshylyq atynan marapatqa usynyldy. Al, onyń ata-anasyna 6698 áskerı bólimi komandıri atynan úlgili tárbıe bergeni úshin alǵys haty jiberilgen.
Aıta keteıik, Túrkistan obylysynda Túrkistan oblysynda 7 myńnan astam qarý ıeleri tekserilgendigi habarlanǵan bolatyn.
