Ulttyq ulan sarbazdary taýyp alǵan ámııandy ıesine qaıtardy
ASTANA. QazAqparat - Ulttyq ulan sarbazdary astanalyqtyń joǵaltqan zattaryn taýyp berdi, dep habarlaıdy QazAqparat Ulttyq ulannyń baspasóz qyzmetine silteme jasap.
Oqıǵa 24 qazan kúni túngi saǵat 23.00 shamasynda bolǵan. Jedel quramnyń sarbazdary Astana qalasyndaǵy Ýálıhanov-Tarhan kósheleriniń qıylysynan qońyr tústi ámııan taýyp alady. Ámııan ishinde Nasım Qalıev degen azamattyń atyndaǵy 4 bank kartochkasy jáne 90 000 teńge kóleminde qarjylaı aqsha bar eken.
Áskerı jasaq bastyǵy, efreıtor Erasyl Sársenbaev qaramaǵyndaǵy patrýlder Shamıl Avazov pen Nurhan Temirǵalıev osy jáıt týraly dereý patrýldik top bastyǵy, leıtenant Ǵabıt Ǵulamhanǵa baıandaıdy.
Tabylǵan ámııan áskerı jasaq jónindegi kezekshi maıor Spandııar Jolaevtyń basshylyǵymen Almaty aýdandyq ishki ister basqarmasyna jetkizildi. Kóp uzamaı basqarmaǵa jetken ámııan ıesi qyzmetterine adal ulttyq ulandyqtarǵa rııasyz alǵysyn bildirdi.
