Ulttyq ulan sarbazdary ózenge sekirgen qyzdy qutqardy
NUR-SULTAN. QazAqparat – Ulttyq ulannyń 5573 áskerı bóliminiń qyzmetshileri sýǵa sekirip, ózine qol salǵysy kelgen qyzdy qutqardy, dep habarlaıdy QazAqparat.
«Oqıǵa 25 mamyr kúni saǵat 13.30 shamasynda qala ortasyndaǵy Esil ózeninde boldy. Adam tyǵyz ornalasqan aýdan bolǵanyna qaramastan sýdyń boıyndaǵy ózin ersi ustaǵan qyzǵa eshkim kóńil bólmegen. Áskerı jasaq bastyǵy qatardaǵy Ilıa Maşenko jáne patrýlshiler Artem Grıgorev pen Erık Kosıan ózen boıynda qyzmette júrip, qyzdyń sýǵa sekirgenin baıqap, tez arada qutqarýǵa kirisken», - dep habarlady QR Ulttyq ulanynyń baspasóz qyzmeti.
Qatardaǵy jaýynger Erık Kosıan sýǵa sekirip, boıjetkendi jaǵaǵa alyp shyqqan.
«Jaǵdaıdy naqtylaı kele, 1995 jyly týǵan qyzdyń psıhologta tirkeýde turǵany anyqtaldy. Boıjetkenniń óz-ózine nelikten qol jumsaǵysy kelgeni belgisiz. Joǵary basshylyq tarapynan áskerı qyzmetshiler madaqtamaǵa usynyldy», - deıdi Ulttyq ulan.
