Ulttyq ulan sarbazdary órtengen úıden arbaǵa tańylǵan adamdy alyp shyqty
ASTANA. QazAqparat - Astanadaǵy 5573 áskerı bóliminiń sarbazdary segiz adamdy órtten qutqaryp qaldy.
Tótenshe jaǵdaı 3 aqpan kúni boldy, biraq bul erlik týraly Jeńis kóshesindegi kópqabatty úıdiń 75 turǵynynan komandırge alǵys hat kelgende ǵana belgili boldy.
Ulttyq ulan baspasóz qyzmetiniń habarlaýynsha, 3 aqpan kúni shamamen 21:15-te qoǵamdyq tártipti qadaǵalaıtyn áskerı jasaq basshysy, qatardaǵy jaýynger Nurtas Tórequl kómek suraǵan daýys estigen. Aýlaǵa kelgen áskerıler jınalǵan qaýym men qoıý tútindi kórgen.
Oqıǵa týraly olar áskerı jasaq boıynsha kezekshi leıtenant Erjan Maratovqa habarlady, ol 101 telefonyna órt týraly habar berdi.
Áskerıler Nurtas Tórequl, Darhan Álǵazy jáne Bekzat Qabıev joǵarǵy qabattarǵa kóterilý týraly sheshim qabyldaıdy. Qoıý tútin men qolqany qabatyn ıiske qaramastan olar 7 adamdy, onyń ishinde úsh balany ajaldan arashalap qaldy.
Joǵaryda atalǵan arbazdar turǵyndardy evakýatsııalap jatqanda, qatardaǵy jaýyngerler Erbol Smaǵulov, Danıl Kremer jáne Jasulan Shaltabaev úı aýmaǵyn qorshady. Turǵyndardyń biri 412-bólmede múgedek adamnyń turatynyn aıtqanda, áskerıler bólmeni teksermekke bel býdy. Shyn máninde, múmkindigi shekteýli jan bólmesinen tabyldy. Arbaǵa tańylǵandyqtan, ózdiginen shyǵa almaǵan. Eki áskerı qyzmetshi ony qaýipsiz jerge shyǵardy.
TJ qyzmetkerleri kelgen soń, áskerı jasaq órtti tutas sóndirgenshe qaýipsizdikti qadaǵalady.
«Turǵyndardy evakýatsııalaýda kórsetken tabandylyǵy men batyl áreketteri úshin áskerı qyzmetshiler alǵys hattarmen marapattaldy», - dep habarlady QR Ulttyq ulan baspasóz qyzmeti.
