Ulttyq ulan sarbazdary Nur-Sultanda karantın talabyn buzbaq bolǵan eki adamdy ustady
NUR-SULTAN. QazAqparat – Nur-Sultanda Ulttyq ulan sarbazdary patrýldeý kezinde karantın aımaǵyn zańsyz kesip ótpek bolǵan eki er adamdy ustady, dep habarlaıdy QazAqparat Polisia.kz-ke silteme jasap.
24 naýryzda «Nur-Sultan – Kókshetaý» blokbeketine jaqyn mańda gvardııashylar blokbeketti aınalyp ótpek bolǵan eki adamdy baıqap qalǵan. Olar ustalyp, Baıqońyr APB-ǵa berildi.
«Biz aımaqty sholyp otyryp, 250 metr qashyqtyqtan eki azamatty kórdik. Birden belgi berip, olarǵa qaraı júgirdik», - dedi qatardaǵy jaýynger.
1992 jáne 1993 jylǵy jigitter qashpaǵan. Olardyń biri elorda turǵyny bolsa, ekinshisi Qostanaı oblysy Arqalyq qalasynan. Ustalǵan kezde Aqkól qalasyna bara jatqandaryn aıtty. Alystan olardy eshkim baıqamaıdy dep oılaǵan.
«Ustalǵan kezde jaýapqa tartpaı, jiberýlerin surady», - dep atap ótti sarbazdardyń biri.
