Ulttyq ulan sarbazdary Atyraýdyń mańynda adasyp ketken balalardy taýyp aldy
ATYRAÝ. QazAqparat – Ulttyq ulan sarbazdary Atyraý mańynda adasyp ketken balalardy taýyp aldy, dep habarlaıdy «QazAqparat» HAA tilshisi.
«QR Ulttyq ulanynyń Atyraýda ornalasqan №5546 áskerı bóliminiń qyzmetkerleri podpolkovnık Rýslan Sadyqov pen efreıtor Jasulan Tóleýbaev qala shetindegi aýyldardyń biriniń mańynda kezekshilikte júrgen sátte kishkentaı ul balalarǵa kezikken. Balalar abdyrap, jylap júrgen. Olar jastary tórtte jáne ekide ekenin, úıden suranbaı shyǵyp ketip, adasyp ketkenin aıtqan, qaıda turatyndaryn túsindire almaǵan. Ulttyq ulan sarbazdaryna jedel polıtsııa basqarmasy ortalyǵyndaǵylar kámeletke tolmaǵandardyń joǵalǵany týraly aryz túspegenin málim etti. Áskerı qyzmetkerler aýyldan balalardyń ata-analaryn óz betterinshe izdestire bastaǵan. Belgili bolǵandaı, olar búldirshinderdi kósheden izdestirip júrgenderine kóp bolǵan», - dedi «Batys» óńirlik qolbasshylyǵy baspasóz qyzmetindegiler.
№5546 áskerı bólimi qolbasshylyǵy polpolkovnık Rýslan Sadyqov pen efreıtor Jasulan Tóleýbaevqa qyraǵylyq tanytqandary úshin alǵys bildirdi.
Avtor: A.Sokolov
