Ulttyq ulan ofıtseri turǵyn úıdegi órtti sóndirýge kómektesti

AQTÓBE. QazAqparat - Aqtóbedegi 6655 áskerı bóliminiń qyzmetshisi, 2-jedel rota komandıriniń tárbıe jáne áleýmettik-quqyqtyq jumystar jónindegi orynbasary aǵa leıtenant Áset Kákimov qyzmetten bos ýaqytynda Aqtóbede órtenip jatqan turǵyn úıdi sóndirýge kómektesti, dep habarlaıdy QazAqparat Ulttyq ulanǵa silteme jasap.

Oqıǵa aǵymdaǵy jyldyń 10 qyrkúıegine qaraǵan túni boldy. Aǵa leıtenant A.Kákimov kórshi úıdiń kireberis terezelerinen kóterilgen qara tútindi baıqaǵan. Ol tez arada órt sóndirýshilerdi shaqyryp, órtti óz kúshimen sóndire bastady. Turǵyndardy oıatyp, órt týraly habarlady.

Órt sóndirý qyzmeti kelgenge deıin tártip saqshysy órttiń jaqyn mańdaǵy úılerge taralýyna jol bermegen.

«Men qyzmetten keıin úıde boldym. Kenetten úıdegi terezeden qarama-qarsy kórshi úıde órt shyqqanyn baıqadym. Órt úıdiń baspaldaǵynan shyqqan. Bir mınýtty bosqa ótkizbeı, órt tutanǵan jerge júgirip baryp, eń aldymen osy úıdiń barlyq turǵyndaryn oıattyp jáne qol astyndaǵy qural saımandarmen órtti sóndirýge kiristim. Qıyn ómirlik jaǵdaıǵa tap bolǵan adamdarǵa kómekke kelý – árbir azamattyń boryshy», – dedi deıdi Ulttyq ulan ofıtseri.

Oqıǵa ornyna jetken órt sóndirýshiler órtti sóndirdi. Órttiń sebebi anyqtalýda.