Ulttyq ulan men polıtsııanyń 20 myńǵa jýyq qyzmetkeri merekede tártipti qadaǵalaıdy

ASTANA. QazAqparat – El boıynsha 20 myńǵa jýyq polıtseı men Ulttyq ulan qyzmetkeri mereke kúnderi azamattardyń qaýipsizdigin qamtamasyz etedi. Bul týraly Polisia.kz saıtynda málim etildi, dep habarlaıdy QazAqparat.

Astananyń Jedel basqarý ortalyǵynda Іshki ister mınıstri Marat Ahmetjanov óńirlik polıtsııa departamentteriniń jeke quramymen jedel keńes ótkizdi.

«Sizderge osy mereke kúnderi qyzmet atqarý mindeti júktelip otyr. Azamattarymyzdyń qaýipsizdigi men tynyshtyǵy joǵary deńgeıde qamtamasyz etilýi qajet. Árbir ótinishke qulaq asyp, qamqorlyq jáne uqyptylyq tanytý paryz. Barynsha sypaıy bolyp, muqııattylyq kórsetken abzal. Turǵyndar polıtsııa men Ulttyq ulannyń qashan da qoǵam qaýipsizdiginiń kepili ekenine senimdi bolýy tıis», – dedi vedomstvo basshysy.

Sonymen qatar mınıstr áriptesterin kelip jetken Naýryz meıramymen quttyqtady.

«Árbir jańa kún ár otbasyna shat kóńil, baqyt jáne bereke syılasyn», – dedi M.Ahmetjanov.