Ulttyq ulan men Ázerbaıjan ІІM yntymaqtastyqty keńeıtip jatyr
Ulttyq ulan baspasóz qyzmetiniń habarlaýynsha, sapar barysynda qazaqstandyq delegatsııa Qurmet alleıasyna taban tirep, Shahıdter alleıasyn aralap, «Máńgilik ot» memorıalyna jáne Ázerbaıjan eliniń kósemi Geıdar Álıevtyń qabirine gúl shoqtaryn qoıdy.
Sodan keıin general-leıtenant Rýslan Jaqsylyqov bastaǵan delegatsııa músheleri aldymen Ázerbaıjan Іshki ister mınıstri general-polkovnık Ramıl Ýsýbovpen, keıin Ázerbaıjan ishki ister mınıstriniń orynbasary - ishki ásker qolbasshysy, general-leıtenant Shahın Mamedovpen kezdesti.
Kezdesý aıasynda Sh.Mamedov Qazaqstan Ulttyq ulany men Ázerbaıjan Іshki áskeri arasyndaǵy qarym-qatynastyń mańyzdylyǵyna toqtaldy. Sonymen qatar, osyndaı jyly shyraıly kezdesýler ekijaqty yntymaqtastyqty odan ári keńeıtýge yqpal etetinine senim bildirdi.
Taraptar eki eldiń ár túrli baǵyttaǵy ózara tıimdi yntymaqtastyǵy Ázerbaıjan men Qazaqstan múddelerine jumys isteıtinin tilge tıek etti. Sondaı-aq, meımandarǵa Ázerbaıjan Іshki áskerleriniń qurylymy, damýy jáne jaýyngerlik joly týraly baıandaldy.
General-leıtenant R.Jaqsylyqov óz kezeginde qonaqjaı kóńilmen qushaq jaıa qarsy alǵan ázirbaıjandyq áriptesterine alǵysyn bildirip, eki el arasyndaǵy baılanystyń, onyń ishinde quqyqtyq tártip pen qaýipsizdikti qamtamasyz etý máselesindegi qarym-qatynasty nyǵaıtýdyń mańyzyna toqtaldy.
Ekijaqty kezdesý barysynda basqa da máseleler qaraldy. Sonyń ishinde, ázerbaıjandyq tarap jaýyngerleriniń qazaqstandyq «Kúreń beret» kııý quqyǵyna arnalǵan biliktilik synaqtaryna qatysýy, arnaıy maqsattaǵy bólimshelerdi jaýyngerlik jáne ádistemelik daıyndaý ortalyǵynda oqytý, taýdaǵy daıyndyqta tájirıbemen almasý jáne nesıe baǵdarlamalary arqyly Ulttyq ulan jaýyngerleriniń baspana máselesin sheshýge baǵyttalǵan tájirıbesin zertteý máseleleri sóz etildi.
Qazaqstandyq delegatsııa arnaıy-taktıkalyq oqý-jattyǵýǵa qatysyp, Ázerbaıjan Іshki áskeri Joǵary mektebin, Baký qalasyndaǵy áskerı bólimdi, Geıdar Álıev ortalyǵyn, Ázerbaıjan eliniń tarıhı jáne mádenı eskertkishterin aralady.
Shara qorytyndysy boıynsha 2019-2020 jyldarǵa arnalǵan ekijaqty áskerı yntymaqtastyq Josparyn bekitý men jetildirý boıynsha jáne qurylýy tıis «Quqyq qorǵaý organdarynyń áskerı vedomstvalary jáne áskerı mártebesi bar quqyq qorǵaý organdarynyń Eýrazııalyq qaýymdastyǵy» uıymy aıasynda jumysty odan ári jalǵastyrý boıynsha kelisimder maquldandy.
