Ulttyq ulan kúnine oraı Astanada gala-kontsert ótti
ASTANA. QazAqparat - Astanada Qazaqstan Respýblıkasy Ulttyq ulanynyń qurylǵan kúnine oraı gala-kontsert ótti, dep habarlaıdy QazAqparat.
«Qazaqstan» ortalyq kontsert zalynda QR Ulttyq ulany Án-bı ansambili jáne Úlgili-kórsetimdi orkestri «Uly dala ulandary» uranymen kontsert berdi.
Kontsertte elimizdiń eńbek sińirgen qaıratkerleri, otandyq estrada juldyzdary men halyqaralyq baıqaýlardyń júldegerleri óner kórsetti. Ulttyq ulan Án-bı ansambliniń bastyǵy ári kórkemdik jetekshisi kapıtan Darhan Rahymǵalıevtiń jetekshiligimen urpaqtar sabaqtasytyǵy men patrıotızm rýhyn sińirgen áskerı, klassıkalyq, halyq jáne ulttyq ánder shyrqaldy. Sondaı-aq, kelgen qonaqtarǵa qazirgi zamanǵy estrada ánderi, álem halyqtarynyń bıleri usynyldy.
Aıta keteıik, keshe sondaı-aq quqyqtyq tártip áskeriniń qurylýyna arnalǵan ataýly dataǵa oraı QR UU Bas qolbasshylyǵynda saltanatty shara ótti. Onda Ulttyq ulannyń áskerı qyzmetkerleri, ardagerler men yqpaldastyq qurylym qyzmetkerleri memlekettiń qaýipsizdigi men qoǵamdyq tártipti qamtamasyz etýde qosqan úlesi jáne úlgili qyzmeti úshin marapattaldy.
Qazaqstanda QR Ulttyq ulan kúni 10 qańtarda atalyp ótedi. Osydan 27 jyl buryn 1992 jyldyń 10 qańtarynda QR ІІM Іshki áskeri qurylǵan bolatyn. Al 2014 jyldyń 21 sáýirinde Ulttyq ulan bolyp qaıta quryldy. Degenmen, áskerdiń dańqty dástúrine adaldyq saqtalyp, quqyqtyq tártip áskeriniń qurylǵan kúni 10 qańtar bolyp sanalady.
