Ulttyq ulan akademııasynyń kýrsanttary ant qabyldady

NUR-SULTAN. QazAqparat – Petropavl qalasynyń ortalyq alańynda jas kýrsanttardyń áskerı ant qabyldaý rásimi ótti. Akademııaǵa túsken 175 bolashaq ofıtser Otanǵa adal bolýǵa saltanatty túrde ant berdi, dep habarlaıdy QazAqparat Ulttyq ulan baspasóz qyzmetine silteme jasap.

Saltanatty is-sharaǵa óńirdiń kúsh qurylymdarynyń basshylary, ardagerler, bolashaq ofıtserlerdiń ata-analary men jaqyndary qatysty. Otan qorǵaýshylar sanatyna engen kýrsanttardy Ulttyq ulan Akademııasynyń bastyǵy, polkovnık Artýr Toqyshev quttyqtady.

«Árbir jaýynger ant qabyldaı otyryp, áskerı qyzmettiń qıynshylyqtaryna tótep berýge mindettenedi. Anttyń bul talaby jaýyngerlik eńbek barysynda erik-jigerdi, ózine degen senimdilikti, ujymǵa degen senimdi shyńdaý qajettiligin bildiredi. Sizderdiń árqaısylaryńyzdyń laıyqty bilim alyp, daǵdylaryńyzdy is júzinde júzege asyryp, memleketimizdiń qorǵanys qabiletin nyǵaıtýǵa zor úles qosatyndaryńyzǵa senim bildiremin!» - dedi áskerı bilim ordasynyń basshysy.

Kýrsanttarǵa, sondaı-aq SQO boıynsha qylmystyq-atqarý júıesi departamentiniń bastyǵy, polkovnık Rýstan Ahmetjanov, Petropavl qalalyq ardagerler keńesi tóraǵasynyń orynbasary Imanǵalı Tatvaev jáne Akademııa ardagerler keńesiniń tóraǵasy zapastaǵy polkovnık Bolat Qojahmetov sáttilik tiledi.