Ulttyq ulan akademııasyn 200-ge jýyq jas leıtenant bitirip shyqty
QR Ulttyq ulany baspasóz qyzmetinen málim etkendeı, sonyń ishinde 13-i akademııany úzdik támamdady.
Qazaqstandyq túlektermen qatar Qyrǵyz Respýblıkasynyń eki ókili jáne Tájistannan toǵyz jas dıplom aldy.
Leıtenant shenin saltanatty túrde tabys etkennen keıin jınalǵandar aldynda Ulttyq ulan Bas qolbasshysynyń tyl jónindegi orynbasary, general-maıor Jandos Omarqulov sóz aldy.
«Akademııa qabyrǵasynda alǵan tereń teorııalyq bilim, jan-jaqty kásibı jáne moraldyq-psıhologııalyq daıyndyq áskerı ómirde óz maqsat-murattaryńyzǵa jetýge negiz bolyp, biliktilikterińizdi jetildire túsýge septesedi», dedi J.Omarqulov.
Sondaı-aq SQO ákiminiń birinshi orynbasary Marat Tasmaǵanbetov, Tájikstan ІІM Іshki ásker qolbasshysynyń tárbıe-saıası jumystar jónindegi orynbasary, polkovnık Mýzafar Chabborzoda jas mamandardy daıyndap shyǵarǵany úshin akademııa basshylyǵy men professor-oqytýshy quramyna rızashylyǵyn bildirdi.
Bıyl atalǵan áskerı oqý ornyna 25 jyl toldy. Osy ýaqyt ishinde akademııa qabyrǵasynan 4 myńdaı jas ofıtser túlep ushty. Olar Ulttyq ulan, QR UQK Shekara qyzmeti, Qorǵanys mınıstrligi, Memlekettik kúzet qyzmeti jáne basqa áskerı qurylymdardy tolyqtyrdy.
Eske sala keteıik, budan buryn Qazaqstan Ulttyq ulany 22 ofıtsermen tolyqqanyn jazǵan bolatynbyz.
