Ulttyq testileý ortalyǵy konkýrs nátıjesiniń statıstıkalyq málimetteriniń jınaǵyn shyǵardy
ASTANA. 17 qarasha. QazAqparat. Ulttyq testileý ortalyǵy «Qazaqstan Respýblıkasy joǵary oqý oryndary stýdenttik kontıngentin qalyptastyrýdyń qorytyndylary» atty túlekterdi Ulttyq biryńǵaı testileý, talapkerlerdi keshendi testileý, Qazaqstan Respýblıkasy joǵary oqý oryndarynda bilim alýǵa arnalǵan bilim berý granttaryn taǵaıyndaý boıynsha konkýrs nátıjesiniń statıstıkalyq málimetteriniń jınaǵyn shyǵardy, dep habarlaıdy QR BǴM baspasóz qyzmeti.
Atalǵan jınaqta ulttyq biryńǵaı testileý men keshendi testileý tapsyryp, bilim berý granttaryn taǵaıyndaý konkýrsyna qatysqan bitirýshiler men talapkerlerdiń nátıjeleriniń saraptamasy oblystar pen aýdandar boıynsha keltirilgen. Bilim berý granttaryn taǵaıyndaý konkýrsy bóliminde ótinish qabyldaý barysy týraly statıstıkalyq derekter, árbir oblystyń bilim grantynyń ıegerleriniń sany týraly málimetter, kúndizgi jáne syrttaı oqý nysany boıynsha mamandyqtardyń ótý baldary týraly, sonymen qatar baǵyt boıynsha qazaq jáne orys bólimderiniń mamandyqtaryna berilgen ótinishter men olardyń ótý baldary jáne basqa da málimettermen tanysýǵa bolady.
Kitap - mektep muǵalimderi, oblystyq (qalalyq) bilim basqarmalarynyń mamandary, joǵary oqý oryndarynyń basshylary men oqytýshylary, Qazaqstan Respýblıkasy Bilim jáne ǵylym mınıstrliginiń qyzmetkerleri, sonymen qatar mektep bitirýshiler men talapkerler jáne olardyń ata-analaryna arnalǵan.
«2011 jyly Qazaqstan Respýblıkasy joǵary oqý oryndary stýdenttik kontıngentin qalyptastyrýdyń qorytyndylary» jınaǵy qaǵaz jáne elektrondyq túpnusqada shyǵaryldy.
