Ulttyq temir jol kóligindegi tasymaldaýshy jedel rejimde jumys isteýde

ASTANA. QazAqparat -  Ulttyq temir jol kóligindegi tasymaldaýshy qyzmeti aýa raıynyń qolaısyzdyǵyna baılanysty jergilikti jáne respýblıkalyq mańyzdaǵy birqatar avtomobıl joldarynyń jabylýyna oraı jedel rejimde jumys isteýde. Bul jaıynda QazAqparatqa «Jolaýshylar tasymaly» kompanııasynan habarlady.

Kompanııa aqparatyna qaraǵanda, ótken táýlikterdiń ishinde temir joldyń barlyq ýchaskeleri arqyly júretin poıyzdarǵa qosymsha 70-ten astam vagon tirkeldi. Bul 5 myńnan astam jolaýshyny dittegen jerine der ýaqytynda jetkizýge múmkindik berdi.
«Temir jolmen jolaýshylardy tasymaldaýǵa júktemeniń artýyna baılanysty jolaýshylardy dittegen jerine der ýaqytynda jetkizýdi qamtamasyz etý úshin qajetti barlyq shara qabyldanýda. «Jolaýshylar tasymaly» AQ jáne «Qazaqstan temir joly» UK» AQ-nyń basqa da qyzmetteri basshylyǵynan jasaqtalǵan toptan táýlik boıy kezekshilik uıymdastyryldy», - delingen kompanııa taratqan aqparatta.