Ulttyq tekstileý mektepterde 2014-2015 jyldardan bastap ótkiziletin bolady

dep habarlaıdy Pm.kz saıty Bilim jáne ǵylym mınıstrligine silteme jasap.

«2015 jylǵa qaraı jazbasha tapsyrmalardy qosý arqyly oqýshylar quzirettiligin qalyptastyrý deńgeıin anyqtaýǵa baǵyttalǵan test tapsyrmalarynyń bazasy qurylatyn bolady», - delingen vedomstvo habarlamasynda.

Bul jumys Qazaqstan Respýblıkasynyń 2014-2015 jyldarǵa arnalǵan bilim berýdi damytý memlekettik baǵdarlamasyna sáıkes júrgizilmek.

Vedomstvonyń aqparaty boıynsha, bastaýysh mektepte ulttyq testileý oqýshynyń jetistikterine monıtorıng júrgizý maqsatynda tańdaýmen júrgiziledi. Negizgi mektepte (10 synyptan keıin) oqý jolyn ary qaraı anyqtaý maqsatynda, beıindi mektepte - alynǵan bilim men tájirıbe deńgeıin baǵalaý maqsatynda júrgiziletin bolady.

«Álemniń kóptegen memleketterinde (Ulybrıtanııa, AQSh, Nıderlandy, Chehııa, Polsha) jáne keńestik keńistik elderiniń qatarynda (Reseı, Qyrǵyzstan, Ýkraına, Belarýs, Ázerbaıjan, Lıtva, Latvııa) jalpy orta bilim berý sapasyn baǵalaý úshin ulttyq emtıhandar formasynda táýelsiz syrtqy baqylaý júzege asyrylady. Bul rette árbir elde olardy ótkizý túrleriniń óz erekshelikteri bar», - dep jazady QR Premer-Mınıstriniń saıty.

Jyl ótken saıyn oqýshylardyń bilimin syrtqy baǵalaý mehanızmi retinde testileýdi paıdalanatyn elder sany ósip keledi. 1975 jyldan bastap Bilim berý sapasyn baǵalaý boıynsha Halyqaralyq Qaýymdastyq óz qyzmetin iske asyrýda, 2007 jyly Qazaqstan Respýblıkasy onyń qatysýshy-múshesi boldy. Osy uıym jumysynyń negizgi maqsaty akademııalyq bilim berýdi baǵalaýmen, konferentsııalar men jarııalanymdar arqyly tájirıbe almasý jolymen, sondaı-aq baǵalaý tehnologııasyn jaqsartý boıynsha is-sharalarǵa qatysýǵa jáne olardy qatysýshy elderdiń bilim berý qurylymdaryna engizýmen aınalysatyn uıymdar arasyndaǵy baılanystardy jaqsartý bolyp tabylady.