Ulttyq taýar ótkizý júıesin qurýdy jyldamdatý qajet – Asqar Mamın
«Básekelestikti qorǵaý agenttigi árbir taýar pozıtsııasy boıynsha baǵa belgileý tizbegin muqııat zerttep, naryqtyń iri qatysýshylary arasynda ózara kelisýge jol bermeý úshin monopolııaǵa qarsy ýaqtyly sharalar qabyldasyn. Saýda, Aýyl sharýashylyǵy mınıstrlikterimen, ákimdiktermen birlesip, áleýmettik mańyzy bar ónimderdiń barlyq túrleri boıynsha baǵanyń negizsiz ósýine jol bermeý úshin qatań baqylaýdy qamtamasyz etýdi tapsyramyn», - dedi Úkimet basshysy.
Asqar Mamın Saýda mınıstrligine azyq-túlik baǵasynyń ósýine áser etetin taýarlar men shıkizattyń eksporty men ımportyna qatysty saýda sharalary boıynsha usynystar engizýdi tapsyrdy
«Ulttyq taýar ótkizý júıesin, onyń ishinde kóterme-taratý ortalyqtaryn qurýdy jyldamdatý qajet. Sonymen qatar saýda protsesin tezdetip tsıfrlandyrý kerek», - dedi Premer-Mınıstr.
