Ulttyq tarıhymyzdy ulyqtaý - ótkenge qurmettiń belgisi
Elbasy bul úsh tarıhı datany beker erekshe ataǵan joq. Bul merekeler tól tarıhymyzǵa, memlekettigimizdiń qalyptasýy men saqtalýyna, qazirgi tynyshtyǵy men turaqtylyǵyn qamtamasyz etýge úles qosatyn erekshe mereıtoılar.
Eń aldymen, Qazaq handyǵynyń 550 jyldyǵyn respýblıkalyq jáne halyqaralyq deńgeıde dúrildetip toılaýymyz tarıhymyzǵa degen úlken qurmettiń belgisi. Qazaq halqynyń tamyry tereńde bolsa, al onyń alǵash ret týy tigilip, memlekettigin jarııalaýyna 550 jyl tolýyn ulyqtaý bizdiń memlekettik uǵymyna beı-jaı qaramaıtyndyǵymyzdyń kórinisi. Bul týraly Memleket basshysy N.Nazarbaev jaqynda Taraz qalasynda ótken Qazaq handyǵynyń uly toıynda bylaı degen edi: «Ótken tarıhymyzdy zerttep, málimet jınaý úshin táýelsizdik jyldarynda álemniń túkpir-túkpirine ekspedıtsııalar uıymdastyryldy. Bizdiń tarıhymyz bastaýyn saq, ǵun, túrkilerden alyp, Kereı men Jánibek handardyń Shý alqabyna kóship, Qazaq handyǵynyń týyn kóterýimen jalǵasady. Biz bul merekeni tarıhymyzdyń tereń ekendigin búkil álemge tanytý úshin, óskeleń urpaqqa jetkizý úshin ótkizip otyrmyz. Merekege oraı Taraz qalasynyń da kelbeti jańardy. Buǵan Qazaqstannyń barlyq oblysy atsalysty, sol úshin olarǵa alǵys bildiremiz. Osynyń bári - urpaqtyń ata-babalar amanatyna adaldyǵynyń, Uly Dala tarıhyna taǵzymynyń ıgi nyshany»,- degen bolatyn.
Al, Uly Jeńistiń 70 jyldyǵyn atap ótýimiz táýelsizdigimizdiń saqtalýy úshin jan berisip, jan alysqan batyr babalarymyzǵa degen qurmettiń belgisi. Surapyl soǵys jyldarynda tolarsaqtan qan keship, tobyǵynan saz keshken batyrlardyń rýhyna taǵzym. Bul ataýly jyldyń da ózindik aýyr da tereń máni bar. Qazaq halqynyń 25%-y soǵys alańyna attanyp, kópshiligi maıdan dalasynda jer jastandy. Otandy qorǵaý tarıhynda mundaı erlik kemde kem. Sondyqtan, UOS 70 jyldyǵyna qurmetpen qaraý qazirgi urpaqtyń ata-baba aldyndaǵy perzenttik paryzy.
Qazaqstan halqy Assambleıasynyń 20 jyldyǵy jańa Qazaqstannyń tatýlyǵy men turaqtylyǵyn, beıbitshiligin saqtaýda ózindik úles qosyp kele jatqan, ultaralyq kelisimniń sınonımi ispettes assambleıaǵa degen halyqtyń jáne bıliktiń bergen baǵasy. Bul týraly Memleket basshysy: «Biz 2015 jyldy Qazaqstan halqy Assambleıasy jyly dep jarııaladyq. Eldiń tutastyǵy men birligi, tatýlyǵy men tynyshtyǵy eń basty nazarda», dep Assambleıanyń birqatar mańyzyna toqtalǵan bolatyn.
Úsh merekeniń eń úlken mańyzdylyǵy - úsheýi de halqymyzdy bir ıdeıanyń mańyna biriktiredi. Bul ıdeıa memlekettiń turaqtylyǵy men halyqtyń tatýlyǵy. Qazaqstan Respýblıkasynyń Prezıdenti N.Nazarbaev «Nurly Jol - bolashaqqa bastar jol» atty halyqqa Joldaýynda: «Biz turaqtylyqty baǵalaı bilgenimizdiń arqasynda búgingi tabystarǵa jettik. Eshkimdi kemsitpeı, eshkimniń tili men dilin mansuqtamaı, barlyq azamattarǵa teń múmkindik berý arqyly turaqtylyqty nyǵaıtyp kelemiz. Bizdiń keıingi urpaqqa amanattar eń basty baılyǵymyz - el birligi bolýy kerek. Osynaý jalpyulttyq qundylyqty biz árbir jastyń boıyna sińire bilýge tıispiz», - degen bolatyn. Iá, tatýlyq pen dostyqty, birlik pen berekeni ustanǵan Qazaqstan halqy tynysh ta, beıbit ómir keshýde. Beıbitshilik - halyqtyń amandyǵy, tutastyǵy, birligi», -d ep birliktiń elimizdiń búgini men bolashaǵy úshin mańyzy zor ekendigin qadap aıtqan bolatyn. Endeshe, birligimizdi saqtap, memleketimizdiń bolashaǵyn bekem etetin ataýly jyldar tek el ıgiligi úshin toılanýda.
Atalǵan mereıtoılarǵa baılanysty bıyl jyl basynan beri elimizdiń ár túkpirinde myńdaǵan is-sharalar ótkizilip, óskeleń urpaqqa tarıhı qundylyqtarymyz nası
