Ulttyq tarıh jańa deńgeıde, halyqaralyq órede qazirgi órkenıet, mádenıet turǵysynan jazylýy shart - N. Muhamedhanuly

ASTANA. 5 maýsym. QazAqparat - Ulttyq tarıh jańa deńgeıde, halyqaralyq órede qazirgi órkenıet, mádenıet turǵysynan jazylýy shart. Búgin QR Memlekettik hatshysy Marat Tájınniń tóraǵalyǵymen ótken Qazaqstan Respýblıkasynyń ulttyq tarıhyn zerdeleý jónindegi vedomstvoaralyq jumys tobynyń keńeıtilgen otyrysyna oraı tarıh ǵylymynyń doktory, professor Nábıjan Muhamedhanuly osyndaı pikir bildirdi.

«Memlekettik hatshy Marat Tájınniń tarıhshylardyń qazirgi mindeti, bolashaqta ne isteýi kerek, tarıhty qandaı tujyrymdamada qarastyryp, qandaı ádisteme qoldanýy qajet degen baǵytta aıtqan pikirleriniń barlyǵy bizder úshin tarıhty zertteýde basshylyqqa alatyn ustanymdar dep esepteımin», - dedi N. Muhamedhanuly. Bul rette professor búgingi jıynnan keıin Táýelsizdiktiń 20 jylynan beri qaraıǵy tarıh ǵylymy órleý kezeńine aıaq basty dep aıta alatynyn jetkizdi. «Demek, bul jıyn tarıhshylarǵa tyń shabyt beredi. Bizdiń ulttyq tarıhymyz jańa deńgeıde, halyqaralyq órede qazirgi órkenıet, mádenıet turǵysynan jazylady dep senemin. Oǵan tarıhshylardyń múmkindigi de, materıaldyq-kadrlyq daıarlyqtary da bar. Sondyqtan memleket turǵysynan búgingideı qoldaý tarıh ǵylymynyń jańa kókjıegin ashyp otyr», - dedi ol.