Ulttyq tarıh ulttyq erekshelikter negizinde taldanýy kerek -ǵalym Sattar Májıtov
ALMATY. 16 qarasha. QazAqparat /Erlik Erjanuly/ - Ult tarıhy men ulttyq tarıh uǵymdary eki túrli dúnıe. Bul búgin Almatyda «Qazaqstan tarıhy: jańa ǵylymı-ádistemelik kózqaras jáne zertteý nátıjeleri" degen taqyrypta ótken «Temirqazyq» ulttyq sarapshylar klýbynyń otyrysynda aıtyldy.
"TMD elderi arasynda tarıh ınstıtýttarynyń qaýymdastyǵy bar. Sonda ulttyq tarıhnama degen termındi barlyǵy moıyndaıdy. Ulttyq tarıhnamalar qalyptasyp jatyr, ony esten shyǵarmaýymyz kerek dep. Alaıda ulttyq tarıhnamamyzdyń qalyptasyp jatqanyn biz ózimiz moıyndamaımyz. Ulttyq tarıh deýge keıbireýdiń dáti jetpeı, Otandyq tarıh, Qazaqstan tarıhy dep júr", - deıdi Sh. Ýálıhanov atyndaǵy tarıh jáne etnologııa ınstıtýtynyń bólim meńgerýshisi, Reseı jaratylystaný ǵylymdary jáne Halyqaralyq aqparattandyrý akademııalarynyń akademıgi, tarıh ǵylymynyń doktory, professor Sattar Májıtov.
Onyń aıtýynsha, ulttyq tarıh degen uǵym bizde sırek kezdesedi. Sondyqtan biz ulttyq tarıhnamanyń qalaı qalyptasyp kele jatqanyna mán berýimiz kerek. Ol ulttyq erekshelikter negizinde taldanýy kerek. Qazaq tarıhy - ulttyń tarıhy.
