Ulttyq standarttardy óteýsiz berý bıznestiń shyǵynyn qysqartady
Bul týraly Saýda jáne ıntergratsııa mınıstrliginiń baspasóz qyzmeti málim etti.
«Qazaqstannyń 9 315 ulttyq standartynyń ishinde ekonomıkanyń túrli salalaryndaǵy 2 996 standart qoldanys tappaı otyr. Osyǵan baılanysty Saýda jáne ıntegratsııa mınıstrligi men «QazStandart» RMK ótken jyly standarttardy qoldaný deńgeıin arttyrý, bıznesti qoldaý jáne otandyq ónimniń básekege qabilettiligin arttyrý úshin jaǵdaı jasady.
Osylaısha, 2021 jylǵy 1 aqpannan bastap Qazaqstanda ekonomıkanyń barlyq sýbektilerine qoldanystaǵy búkil ulttyq standarttarǵa óteýsiz qol jetkizý múmkindigin usyný tájirıbe qoldanyldy. Bul bızneske shyǵyndaryn 90 mln teńgeden astam somaǵa qysqartýǵa múmkindik berdi», - dep jazylǵan mınıstrliktiń baspasóz qyzmeti taratqan aqparatta.
Mınıstrliktiń málimeti boıynsha, 2021 jyldyń1 shildesinen bastap halyqaralyq, óńirlik standarttar men shet memleketter standarttaryn tikeleı qoldaný jolǵa qoıylǵan.
«Sonyń arqasynda bıznes shyǵyndary bir jyl ishinde 7,5 mlrd teńgege tómendedi. Bıýdjetke júkteme tómendetilip, qazaqstandyq taýarlardyń syrtqy naryqtardaǵy básekege qabilettiligi artty», - delingen resmı málimette.
