Ulttyq sporttyq júlde: Jeńimpazdar belgili boldy
ASTANA. QazAqparat - Ulttyq Olımpıada komıteti 2017 jylǵy «Jyldyń ulttyq sporttyq júldesiniń» jeńimpazdaryn marapattady, dep habarlaıdy Sport.inform.kz.
QR UOK prezıdenti Tımýr Qulybaevtyń bastamasymen uıymdastyrylǵan Ulttyq-sporttyq júldeni tabystaý sharasy bıyl jańa formatta ótti. Júldeni jankúıerler bir aı boıy olympic.kz saıtyn da daýys berý arqyly anyqtaǵan bolatyn. Daýys berý 2-28 qarashasy aralyǵynda ótip, keıbir nomınatsııalar boıynsha teketires sońǵy mınýttarǵa deıin jalǵasqan.
Búgin atalǵan baıqaýǵa qatysty saltanatty kesh bolyp, jeńimpazdarǵa syılyqtar tabys etildi. Sonymen, baıqaý jeńimpazdary:
«Jazǵy sport túrleri boıynsha eń úzdik sportshy» - Alekseı Lýtsenko (velosport);
«Qysqy sport túrleri boıynsha eń úzdik sportshy» - Janbota Aldabergenova (frıstaıl);
«Úzdik jas sportshy» - Elızabet Tursynbaeva (mánerlep syrǵanaý);
«Jazǵy sport túrleri boıynsha eń úzdik jattyqtyrýshy» - Qazaqstan ulttyq boks quramasynyń bas bapkeri Myrzaǵalı Aıtjanov;
«Qysqy sport túrleri boıynsha eń úzdik jattyqtyrýshy» - Qazaqstan ulttyq short-trek quramasynyń bas bapkeri Mádiǵalı Qarsybekov;
«Olımpıadalyq sport túrleri boıynsha eń úzdik ulttyq-sportyq federatsııa» - Qazaqstan trıatlon federatsııasy;
«Úzdik sporttyq óńir» - Almaty qalasynyń sport jáne mádenıet basqarmasy;
«Jyl jańalyǵy» - Sadaq atý boıynsha erler quramasy;
«Jyldyń úzdik komandasy» - «Astana» fýtbol klýby.
