Ulttyq sporttan «Uly dala rýhy» festıvaliniń batys aımaqtyq irikteý jarystary ótkizilip jatyr
ORAL. QazAqparat - Ulttyq sport túrlerinen respýblıkalyq «Uly dala rýhy» festıvaliniń batys aımaqtyq irikteý jarystary ótkizilip jatyr, dep habarlaıdy QazAqparat.
Ulttyq sport túrlerinen Qazaqstan Respýblıkasy Táýelsizdiginiń 30 jyldyǵy aıasynda Respýblıkalyq «Uly dala rýhy» festıvali ótýde. Ulttyq sporttyń kókpar, teńge ilý, aýdaryspaq, jamby atý, qazaq kúresi, toǵyzqumalaq, asyq atý túrinen ótetin jarystar komandalyq tártipte júrgiziledi.
Eki aıdan astam ýaqytqa sozylatyn bul festıval II kezeńge bólingen. I kezeń aımaqtyq irikteý jarystary. Alǵashqy kezeń básekesi tórt aımaqta ótedi. Aımaqtardaǵy irikteý jarystary qazan aıynyń basynda márege jetedi. Elimizdegi 14 oblys, 3 qala komandalary arasynan úzdik shyqqan komandalar festıvaldiń II kezeńi fınalda óner kórsetedi.
Ulttyq sport túrlerinen «Uly dala rýhy» respýblıkalyq festıvaliniń soltústik óńiriniń jeńimpaz komandalary anyqtaldy. Festıvaldiń batys aımaqtyq irikteý jarystary aǵymdaǵy jyldyń 26-28 tamyzy Oral qalasynda kókpar, teńge ilý, aýdaryspaq, jamby atýdan sportshylar qalalyq atshabarda syńǵa tússe, qazaq kúresi, asyq atý joǵary sporttyq sheberligi mektebinde, toǵyzqumalaq oqýshylyr saraıynda baıraqty básekeler ótedi. Batys aımaq irikteý jarystaryna: BQO, Mańǵystaý, Qyzylorda, Atyraý, Aqtóbe oblystarynan 225 sportshy qatysady dep kútilýde.
Ulttyq sport jarystaryn QR Mádenıet jáne sport mınıstrligi, Mádenıet jáne sport mınıstrliginiń Sport jáne dene shynyqtyrý isteri komıteti,
Mádenıet jáne sport mınıstrligi Sport jáne dene shynyqtyrý isteri komıtetiniń «Ulttyq jáne at sporty túrleri ortalyǵy» RMQK uıymdastyrady.
