Ulttyq sport túrlerinen Túrkistan oblysynyń birinshiligi ótýde

ShYMKENT. QazAqparat – Shymkent qalasyndaǵy atshabarda jastar men jasóspirimder arasynda ulttyq sport túrlerinen Túrkistan oblysynyń birinshiligi ótýde. Jeńistiń 75 jyldyǵyna oraılastyrylǵan alaman dodaǵa óńirimizdiń eń myqty degen komandalary qatysyp, baqtaryn synaýda, dep habarlaıdy QazAqparat tilshisi.

Jarysty uıymdastyrýshylardyń aıtýynsha, bul doda Túrkistan oblysy ákimi Kýbogine irikteý saıysy sanalady. Sonymen qatar, Qazaqstan Respýblıkasy ulttyq sport qaýymdastyǵynyń teńge ilýden ótkizetin respýblıkalyq jarysqa da irikteý bolyp otyr. Aýdaryspaqtan 5 salmaq boıynsha 80 balýan qatysyp, barlyq aýdandar boıynsha óz myqtylaryn anyqtaýda. Jarysqa barlyq qala-aýdandarynan jastar komandasy qatysýda.

Teńge ilýden bas júldeni Tólebı aýdanynan kelgen jastar arasynda Rahat Qambarov, kúmis júldeni Nurbaǵlan Sádýaqas, qola júldeger Madııar Júsiphan atandy. Al, jasóspirimder arasynda teńge ilýden baǵyn synaǵan Ordabasy aýdanynyń týmasy Nurlyhan Yspahan jeńimpaz atandy.

Oblys birinshiligi 3 aqpan kúni aıaqtalady dep josparlanyp otyr.