Ulttyq sport túrlerinen І Azııa chempıonatyna kimder qatysady
ALMATY. QazAqparat - 16-21 sáýir kúnderi aralyǵynda Almaty qalasynda Ulttyq sport oıyndarynan jastar arasynda ótetin І Azııa chempıonatyna kimder qatysatyny belgili boldy, dep habarlaıdy QazAqparat tilshisi.
QR Ulttyq sport qaýymdastyǵy federatsııasynyń baspasóz qyzmetinen málim etkendeı, Aýdaryspaq, Jamby atý jáne Teńge ilý komandalaryndaǵy sportshylardyń esimderi anyqtaldy.
QR Jamby atý komandalarynyń músheleri:
1. Babajan Baqdáýlet (Jambyl oblysy)
2. Eralhan Aıkóz (Túrkistan oblysy)
3. Jaqsybek Bekzat (Túrkistan oblysy)
QR Teńge ilý komandasynyń músheleri:
1. Іzjanov Ǵalymjan (Túrkistan oblysy)
2. Eljanov Nurhan (Aqtóbe oblysy)
QR Aýdaryspaq komandasynyń músheleri:
1. Amanjol Nurbek - 50 keli salmaqta (Qaraǵandy oblysy)
2. Quralbaı Ermek - 60 keli salmaqta (Túrkistan oblysy)
3. Imanǵazyuly Narmaǵanbet - 70 keli salmaqta (Batys Qazaqstan oblysy)
4. Aǵabek Ǵabıt - 80 keli salmaqta (Túrkistan oblysy)
5. Janalın Ádiljan - + 80 keli salmaqta (Aqtóbe oblysy)
Al І Azııa chempıonatynda alty kún boıy básekege túsetin kókpardan Qazaqstan jastar Ulttyq qurama komanda músheleri aldaǵy kúnderi belgili bolmaq.
Bapkerlerdiń pikirine qaraǵanda, eresekter komandasymen terezesi teń oınaıtyn Jastar kókpar quramasy І Azııa chempıonatynyń bas júldesine úmitkerler qatarynda.
Eske salyp ótsek, atalmysh básekede Qazaqstan, Aýǵanstan, Mońǵolııa, Reseı, Qytaı, Ózbekstan, Tájikstan, Qyrǵyzstan, Vengrııa, Túrkııa, Malaızııa sportshylary Ulttyq sporttan Jastar arasyndaǵy І Azııa chempıonatynyń júldelerin sarapqa salady.
