Ulttyq sport túrlerine qyzyǵýshylyq arta túsýde
A. Jeltoqsannyń 14-i. QazAqparat /Rýslan Ǵabbasov/ - Qazirgi kezde sport salasynda 35 myń adam jumys isteıdi. Bul týraly búgin Astanada QR Parlamenti Senatynyń depýtattarymen kezdesý kezinde Týrızm jáne sport mınıstri Temirhan Dosmuhambetov málim etti,
dep habarlaıdy QazAqparat.
Onyń aıtýynsha, 2007 jylmen salystyrǵanda sporttyq qurylystardyń sany 540 nysanǵa artty (2007 jyly-29 myń 307, 2008 jyly 29 myń 847). Sonymen birge 38 dene shynyqtyrý-saýyqtyrý keshenderiniń qurylystary júrgizilýde. Jalpy sportpen jáne dene tárbıesimen júıeli túrde aınalysatyndar sany 2,5 mıllıon adamǵa jetken.
«Shtattaǵy dene tárbıesi qyzmetkerleriniń sany 1,5 myńǵa artyp, qazirgi kezde sport salasynda 35 myń adam jumys isteıdi. Onyń ishinde 27 myńnan astamy nemese 83 paıyzy dene tárbıesi bilimin alǵandar»,-dedi mınıstr.
Sonymen birge respýblıkada 200 myńnan astamdy qamtıtyn 1 myń 80 sport klýbtary jumys isteýde.
Ulttyq sportpen, ıaǵnı qazaqsha kúres, at sporty, taǵyzqumalaq jáne basqa túrlerimen aınalysýǵa nıet bilderigenderdiń sany artqanyna toqtalǵan T. Dosmuhambetov, qazirgi kezde elimizde ulttyq sport túrlerimen shuǵyldanatyndar 200 myńnan astam adamdy quraıdy dedi.
Onyń sózine qaraǵanda, búginde balalar men jasóspirimderge arnalǵan 422 sport mektepterinde 230 myńnan astam jas sportshylar daıyndalýda.
