Ulttyq sport túrlerine degen qyzyǵýshylyq artyp keledi -maman
ALMATY. QazAqparat - Almatyda «Sport meniń aýlamda» baǵdarlamasy aıasynda ár apta saıyn kóptegen jarystar men ulttyq sport túrlerinen sheberlik sabaqtary ótedi, dep habarlaıdy QazAqparat aqparattyq jáne sporttyq HAB-qa silteme jasap.
«Halyqtyq-ulttyq sport túrleri jáne buqaralyq deneshynyqtyrý-saýyqtyrý» klýbynyń jetekshisi Nurǵısa Nurǵalıevtiń aıtýynsha, atalmysh klýb jastardy asyq atý, toǵyzqumalaq, bes tas, kazaq kúresi, qol kúresi, gir kóterý sııaqty sporttarǵa baýlıdy.
«Olardy biz «Sport meniń aýlamda» baǵdarlamasyna jazylǵan balalarǵa úıretemiz. Osy sport túrleri boıynsha Almatynyń ár aýdanynan kelgen ártúrli jastaǵy balalar men jasóspirimderge jarystar men shebrlik sabaqtaryn ótkizip turamyz»,-deıdi Nurǵısa Nurǵlıev.
Onyń sózinshe, osy jyldyń basynan beri 455 sheberlik sabaqtary men 350-den astam týrnırler uıymdastyrlyp, oǵan 20 myńdaı adam qatysqan.
«Jalpy bizdiń klýbta 330 adam tirkelgen. Onyń 20-y kóptegen jetistikteri bar bapkerler men nusqaýshylar. Osylaısha, biz ár apta saıyn is-sharalar uıymdastyramyz. Shyndyǵyna keletin bolsaq 10-13 jyl buryn ulttyq oıyndar men sporttar qala turǵyndary men qonaqtary arasynda búgingideı damymaǵan bolatyn. Qazir bári basqasha. Jazǵy mezgilde biz balalardyń nazaryn aýdaryp, ulttyq oıyndarǵa degen qyzyǵýshylyqtaryn arttyrý úshin úrlenetin attraktsıondar paıdalandyq. Sonyn arqasynda biz olardyń sanyn kóbeıttik. Sondaı-aq, qatysýshylardyń arasynda toǵyzqumalaq pen asyq atý oıyndary da suranysqa ıe. Tipti, úlkenderdiń ózderi de qyzyǵyp bir-birimen jarysyp jatatyn kezder de bolady.
Jaqynda, qazan aıynda Almatyda biz osy joǵary da atalyp ótken 6 sport túri boıynsha festıval ótkizemiz degen jospar quryp otyrmyz. Onyń maqsaty salaýatty ómir saltyn násıhattap, ulttyq sport túrlerin damytý. Bunyn barlyǵy Almaty qalasy dene shynyqtyrý jáne sport basqarmasynyń qoldaýymen ótedi. Sondyqtan men qala ákimdigine óz alǵysymdy bildirgim keledi, - deıdi Nurǵısa Nurǵalıev.
