Ulttyq sport túrlerin mektep baǵdarlamasyna engizý tártibi aıqyndaldy
Búgin Senattyń jalpy otyrysynda depýtat Erik Sultanov bilim berý baǵdarlamasyna ulttyq sporttyń qaı túrleri enetinin jáne bul qadamdar qalaı júzege asyrylatynyn surady.
«Jalpy, ulttyq sporttyń 20-dan astam túri bar. Zań jobasy boıynsha bilim berý uıymdaryna ulttyq sport túrlerin oqý baǵdarlamalaryna mindetti komponent retinde engizý týraly jumys pysyqtalyp jatyr. Osy oraıda kezeń-kezeńmen iske asyrý qadamdary qarystyrylyp otyr. Qazirgi kezde tıisti tektikter eskerilip, normatıvtik-quqyqtyq aktiler ázirlendi», - dedi mınıstr
Onyń aıtýynsha, eń aldymen bilim berý uıymdarynda asyq atý, toǵyzqumalaq, qazaq kúresin engizý josparlanyp otyr.
«Sonymen qatar, aýdaryspaq, kókpar, jamby atý, jekpe-jek sııaqty ulttyq sport túrlerinen oqýshylar densaýlyǵyna zaqym kelmeıtin jattyǵýlary men elementterin engizý josparlanyp otyr. Atap aıtqanda, bul qadamdar kezeń-kezeńmen iske asyrylady. Qazirgi kezde qanatqaqty joba retinde Nur-Sultan qalasynda qazaq kúresi ulttyq sport túrin orta bilim mektepterinde engizý qarastyrylyp otyr», - dedi A. Raıymqulova.
Budan buryn habarlanǵandaı, Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine mádenıet, dene shynyqtyrý jáne sport máseleleri boıynsha ózgerister men tolyqtyrýlar engizý týraly» Zańy qabyldandy.
Bul qujatta ulttyq sport túrlerin damytý, olardy jas býynǵa mektep kezinen bastap nasıhattaý máselelerine de erekshe nazar aýdarylǵan.
