Ulttyq sport: І Azııa chempıonatynda kókparshylardan kimder qatysady
NUR-SULTAN. QazAqparat - 16-21 sáýir kúnderi aralyǵynda Almaty qalasynda Ulttyq sport oıyndarynan jastar arasynda ótetin І Azııa chempıonatyna komandalyq kókpardan el namysyn qorǵaıtyn sportshylarymyzdyń esimderi belgili boldy, dep habarlaıdy QazAqparat tilshisi.
QR Ulttyq sport qaýymdastyǵynyń baspasóz qyzmeti taratqan málimet kózderine súıensek, tuńǵysh uıymdastyrylǵan Jastar arasyndaǵy Azııa chempıonatyna ótinim bergen memleketter qatary onǵa jýyqtaǵan. «Qazirgi kezde Qytaı, Vengrııa, Reseı, Mońǵolııa, Ózbekstan, Aýǵanstan, Tájikstan, Qyrǵyzstan elderi sportshylarynyń jarysqa qatysatyny anyqtaldy», - delingen baspasóz habarlamasynda.
Sondaı-aq, chempıonatta Malaızııa, Túrkııa sportshylary da baq synaýy múmkin ekendigi aıtylady.
Esterińizge sala keteıik, osyǵan deıin Qazaqstannyń Jamby atý, Teńge ilý, Aýdaryspaq qurama komandalaryndaǵy sportshylar tizimin nazarlaryńyzǵa usynǵan bolatynbyz.
Búgin, chempıonatta komandalyq kókpardan el namysyn qorǵaıtyn jas kókparshylardy tanystyra ketýdi jón sanadyq.
Kókpardan QR Ulttyq jastar qurama komandasynyń músheleri:
Qurmanbek Turǵanbek (komanda kapıtany) - Jambyl oblysy, Jambyl aýdanynda dúnıege kelgen. Respýblıkanyń birneshe dúrkin chempıony atanǵan «Áýlıe-Ata» komandasynyń oıynshysy. QR Eńbek sińirgen jattyqtyrýshysy Nurdáýlet Momynovtyń tól shákirti. Kókpardan «Qazaqstan Respýblıkasynyń sport sheberi». QR Ulttyq qurama komandasynyń negizgi quramynyń múshesi. Kókpardan jastar arasynda Qazaqstan Respýblıkasy chempıonatynyń 5 dúrkin jeńimpazy (2013, 2014,2017, 2018, 2019). Kókpardan eresekter arasynda Qazaqstan Respýblıkasy chempıonatynyń jeńimpazy (2016 jyl). Ulttyq sport túrlerinen «Uly dala rýhy» respýblıkalyq festıvaliniń jeńimpazy (2018 jyl). Sondaı-aq Dúnıejúzilik ІІІ Kóshpendiler oıyndarynda «Eń úzdik kókparshy» ataǵyn ıelengen (2018 jyl).
Jarylqasyn Ernar (Jambyl oblysy)
Málimbaı Ernat (Jambyl oblysy)
Kamelhan Ernur (Jambyl oblysy)
Serikjan Baqdáýlet (Almaty oblysy)
Mamyt Ádilet (Túrkistan oblysy)
Ábdirahman Ashat (Túrkistan oblysy)
Asqarov Nurlybek (Qyzylorda oblysy)
Aıtbaı Jasulan (Atyraý oblysy)
Ázimbaev Ersultan (Jambyl oblysy)
Tólep Nurıslam (Túrkistan oblysy)
Qarqabat Bekzat (Túrkistan oblysy)
