Ulttyq sport festıvali: Úzdik kókparshylar anyqtaldy
AQTÓBE. QazAqparat- Aqtóbe qalasynda 18 qyrkúıekte bastalǵan kókpar dodasy óz máresine jetti, dep habarlaıdy QazAqparat.
Festıvalge qatysqan elimizdiń 12 kókpar komandasy arasynan úzdik shyqqan tórt komanda tańerteńnen bastap júldeli oryndardy sarapqa saldy. Soltústik Qazaqstan oblysy men Aqtóbe oblysy komandalary arasyndaǵy báseke 3:2 esebimen aıaqtalyp, aqtóbelik kókparshylar qola júldege qol jetkizdi.
Al, fınaldyq oıynda QR Eńbek sińirgen jattyqtyrýshysy Nurdáýlet Momynovtyń shákirtteri festıvaldegi kókpar básekesiniń bas júldesin qanjyǵaǵa baılady. «Áýlıe-ata» (Jambyl oblysy) men «Qulager» (Túrkistan oblysy) arasyndaǵy aqtyq oıyn 3:1 esebimen aıaqtaldy.
Eske sala ótelik, «Áýlıe-ata» komandasy «Qulager» komandasynan bıyldyqqa ekinshi ret basym tústi.
1 oryn – Jambyl oblysynyń «Áýlıe-ata» kókpar komandasy
2 oryn – Túrkistan oblysynyń «Qulager» kókpar komandasy
3 oryn – Aqtóbe oblysynyń kókpar komandasy.
