Ulttyq sot júıesi qoǵam turaqtylyǵynyń kepili bolýy shart - Memleket basshysy
ASTANA. 20 qarasha. QazAqparat - Ulttyq sot júıesi qoǵam turaqtylyǵynyń senimdi kepili bolýy shart. Búgin Astanada ótip jatqan Qazaqstan sýdıalar odaǵynyń 6-shy sezi barysynda sóz sóılegen QR Prezıdenti Nursultan Nazarbaev osylaı málim etti.
«Azamattardyń quqyǵy men bostandyǵyn qorǵaıtyn bolǵandyqtan da, Qazaqstannyń sot qaýymdastyǵynyń aldynda halyqqa qyzmet etýdiń bıik belesi, zor mindeti tur. Qazaqstandyq sýdıalardyń eń basty boryshy da osy. Men qazaqstandyq sýdıalyq korpýs bizdiń Otanymyzdyń jańǵyrýy men nyǵaıýy baǵytyndaǵy uly murattarymyzdy júzege asyrýǵa laıyqty úles qosady dep senemin», - dedi N. Nazarbaev. Bul rette Elbasy aldaǵy ýaqytta sot júıesin jaqsarta túsý baǵytynda jumystar jalǵasatynyn atap ótti. Prezıdent sondaı-aq, sot tájirıbesi tereńnen shyńdalyp, kez-kelgen qylmys úshin jazanyń qoldanylmaı qalmaıtyndyǵyna jurtshylyqtyń barynsha senimin arttyra túsýi kerektigin atap ótti.
