Ulttyq saıabaqta ot jaqqan týrıst 345 myń teńge aıyppul tóledi

ALMATY. QazAqparat – Іle Alataý ulttyq tabıǵı parkinde ot tutatqan 38 jastaǵy tártip buzýshyǵa 345 myń teńge kóleminde aıyppul salyndy. Bul týraly Almaty qalalyq Tótenshe jaǵdaılar departamentiniń baspasóz qyzmetinen málim etti, dep habaraıdy QazAqparat tilshisi.

Jalpy jyl basynan Almatyda qurǵaq shóptiń órtenýiniń 2 jaǵdaıy tirkeldi.

Orman sharýashylyǵy jáne janýarlar dúnıesi komıteti tóraǵasynyń buıryǵyna sáıkes Almaty qalasy men Almaty oblysynyń memlekettik orman qory aýmaǵynda 2023 jyldyń 20 naýryzynan bastap órt qaýipti kezeń jarııalandy.

«Almaty qalasynyń aýmaǵynda 19 myń 803 ga Іle Alataý ulttyq parki ornalasqan. Jyl basynan munda eki jaǵdaı tirkeldi. Atap aıtar bolsaq, 23 sáýir kúni Almaty-Arasan shatqalynda, Terra alqabyna barar jolda 0,5 ga alańda qurǵaq shóptiń janýy oryn aldy. Sondaı-aq 27 sáýirde qalanyń Medeý aýdanynda, Іle Alataý ulttyq parkiniń aýmaǵynda, Aǵartýshy shatqalynda jalpy 100 sharshy metr jerde qýraǵan shóp tutandy. TJD jáne «Іle Alataý» MUTP qyzmetkerleriniń qabyldanǵan jedel sharalarynyń arqasynda órttiń ormanǵa taralýyna jol berilmedi», - dep habarlady vedomstvodan.
Órttiń shyǵýyna turǵyndardyń ot saldaryna nemquraıly qaraýy sebep bolyp otyr.
«Іle Alataý ulttyq tabıǵı parkinde ot tutatqan 38 jastaǵy tártip buzýshyǵa 345 myń teńge kóleminde aıyppul salyndy»,- dep atap ótti Almaty qalalyq TJD baspasóz qyzmetinen.
Qalalyq TJD mamandary taýly jerde shylym shegip, ot jaqpaýǵa keńes beredi.
Aıta keteıik, Іle Alataý ulttyq parkinde ystyq tamaq daıyndaý úshin arnaıy jabdyqtalǵan – 14 oryn, Alma-Arasan shatqalynyń aýmaǵynda -12 oryn, «Býtakovkada» 2 oryn bar.