Ulttyq saraptama ortalyǵynyń Jambyl oblysyndaǵy fılıaly qyzmetin ýaqytsha toqtatty

ASTANA. QazAqparat – Ulttyq saraptama jáne sertıfıkattaý ortalyǵy Jambyl oblystyq fılıalynyń sarapshy-aýdıtory sertıfıkat resimdeý kezinde zań buzýshylyqtarǵa jol bergen, dep habarlaıdy QazAqparat Tehnıkalyq retteý jáne metrologııa komıtetiniń baspasóz qyzmetine silteme jasap.

Tehnıkalyq retteý jáne metrologııa komıtetiniń Jambyl oblysy boıynsha departamenti Túrkistan oblysy Kásipkerler palatasynyń ótinishine baılanysty Ulttyq saraptama jáne sertıfıkattaý ortalyǵy oblystyq fılıalynyń sarapshy-aýdıtory taýardyń shyǵý tegi týraly sertıfıkatty (ST-KZ) resimdeý úshin saraptama aktisin jasaý kezinde zań buzýshylyqtarǵa jol bergenin anyqtady.

Sarapshy elishilik qundylyq paıyzynyń úlesin durys eseptemegen jáne saraptama aktisinde taýarǵa esepteýler ótinishte kórsetilgen esepteýlerge sáıkes kelmegen (polıetılennen jáne jol qurylysyna arnalǵan materıaldan jasalǵan qubyrlarǵa qatysty), «Syrtqy ekonomıkalyq qyzmet túrleri boıynsha ónim jikteýishiniń» kody durys kórsetilmegen.

Saraptama aktisinde shıkizatty jetkizýge shart jasalǵan kún aldyn ala kelmegen kúnmen belgilendi, ıaǵnı durys kórsetilmegen.

Mundaı áreketter zańnama talaptaryn óreskel buzý bolyp tabylady, sondyqtan sot Jambyl Ulttyq saraptama jáne sertıfıkattaý ortalyǵynyń qyzmetin toqtata turý jáne aıyppul salý túrinde sanktsııa qoldanǵan.

«Jalpy, 2023 jyldyń birinshi toqsanynyń qorytyndysy boıynsha Komıtettiń aýmaqtyq departamentteri «Ulttyq saraptaý jáne sertıfıkattaý ortalyǵy» AQ fılıaldaryna qatysty 12 baqylaý is-sharasyn ótkizdi, nátıjesinde ónimniń sáıkestigin baǵalaý týraly berilgen 8 qujat, 10 ólshem quraldaryn kalıbrleý sertıfıkaty, 77 synaq hattamasy joıyldy. Qoǵamnyń Almaty jáne Jambyl fılıaldarynyń tolyq nemese ishinara akkredıtteý attestattary toqtatyldy», - dep málimdedi SIM Tehnıkalyq retteý jáne metrologııa komıtetiniń tóraǵasy Qýanysh Elikbaev.