Ulttyq saraptama ortalyǵy koronavırýsqa aqyly PTR-test jasaýdy toqtatty

NUR-SULTAN. QazAqparat – «Ulttyq saraptama ortalyǵy» AQ koronavırýsqa aqyly túrde PTR-test jasaý qyzmetin toqtatty, dep habarlaıdy QazAqparat.

«2020 jyldyń 25 maýsymyndaǵy QR Bas sanıtarlyq dárigeriniń №43 qaýlysyna sáıkes, COVID-19-ǵa zerthanalyq saraptama júrgizý boıynsha aqyly qyzmet ýaqytsha toqtatyldy. Tegin testileý suraqtary boıynsha emhanalarǵa habarlasýyńyzdy suraımyz», - delingen Ulttyq saraptama ortalyǵynyń habarlamasynda.

Aıta keteıik, Ulttyq ortalyqta koronavırýsqa aqyly PTR testileý júrgizý quny 11 500 teńge bolatyn.

Buǵan deıin Nur-Sultan, Almaty, Shymkent, Qaraǵandy jáne Oral qalalarynda jeke tulǵalardan analız alýdyń ýaqytsha toqtaıtyny habarlanǵan edi.