Ulttyq sanaq kezinde call-ortalyq jumys jasaıdy

NUR-SULTAN. QazAqparat – Ulttyq sanaq bastalatyn 2021 jyldyń 1 qyrkúıeginde «1446» biryńǵaı call-ortalyǵy iske qosylady, dep habarlaıdy QazAqparat.

QR Strategııalyq josparlaý jáne reformalar agenttigi Ulttyq statıstıka bıýrosynan málim etkendeı, eldiń barlyq aýmaǵyndaǵy mobıldi jáne statsıonarly telefondar úshin biryńǵaı - 1446 nómiri jumys jasaıdy. Sondaı-aq 8 8000 800 878 nómirine qońyraý shalýǵa bolady. Sall-ortalyqqa qońyraý shalý – tegin.

«Respondent call-ortalyqqa 1446 nómiri boıynsha qońyraý shalǵan kezde Ulttyq statıstıka bıýrosynyń óńirlerdegi jáne ortalyq apparattaǵy sáıkesti telefon nómirlerine avtomatty túrde qosýlar júrgiziledi.

Sonymen qatar, respondentter kez kelgen aryz-saýalmen nemese keńes alý úshin bıýronyń http://stat.gov.kz ınternet-resýrsyna, bıýro basshysynyń blogyna, sondaı-aq áleýmettik jeliler arqyly (YouTube, Facebook, Instagram, Telegram) júgine alady», - dep naqtylady vedomstvodan.

Buǵan deıin habarlaǵanymyzdaı, elimizde ulttyq sanaq 2021 jyldyń 1 qyrkúıegi - 30 qazany aralyǵynda ótedi.

Qazaqstandyqtar barlyǵy 87 suraqqa jaýap beredi.

Ulttyq sanaqqa birneshe jolmen qatysýǵa bolady.