Ulttyq sanaq: Bir táýlik ishinde 150 myńnan asa adam onlaın sanaqtan ótti

NUR-SULTAN. QazAqparat - 7 qyrkúıek saǵat 9:00-degi jaǵdaı boıynsha 453556 respondent onlaın sanaqtan ótti, dep habarlaıdy QazAqparat Ulttyq statıstıka bıýrosynyń baspasóz qyzmetine silteme jasap.

Baspasóz qyzmeti keltirgen derekterge qaraǵanda, onlaın sanaqtan ótkenderdiń ishinde 394933-i sanaq.gov.kz saıtynda, 46492 Egov portalynda tirkelý arqyly jaýap berse, 12131 adam sanaqqa Aitu qosymshasy arqyly qatysty.

Alǵashqy alty kúnniń qorytyndysymen megapolıster alda kele jatyr. 65736 astanalyq turǵyn sanaqtan ótkeni jaıly habarlama alǵan. Onlaın sanaqtan ótken taǵy 64537 adam Almatyda tirkelgen. Úzdik úshtikti Shymkent túıindedi. Munda 51386 adam sanaq saýaldaryna jaýap berdi.

Bul kórsetkish boıynsha ázirge sońǵy eki oryndy Túrkistan jáne Atyraý oblystary enshilep tur. Bul óńirlerde sáıkesinshe 5713 jáne 4124 adam sanaqtan ótipti.

Erekshe atap ótetin jaıt, bir adam ózimen birge turatyn basqa da otbasy músheleri úshin toltyra alady. ıAǵnı, sanaq.gov.kz saıtyna bir ret qana tirkelip bir otbasyn qamtý múmkindigi qarastyrylǵan. Sanaq paraqtaryn toltyrý bastalǵan sátte «Respondentti qosý» nusqasy usynylady. Birge turatyn týysyńyzdyń JSN-in engizgen soń júıe onyń tolyq aty-jónin avtomatty túrde shyǵarady. Bul múmkindik arqyly sanaq paraqtaryn toltyrýǵa ketetin ýaqytty aıtarlyqtaı únemdeýge bolady. Sanaq saýaldaryna jaýap bergen soń habarlama onlaın ótken barlyq otbasy múshelerine ortaq bolyp sanalady.

«Ulttyq statıstıka bıýrosy azamattardyń belsendiligi úshin alǵys aıta otyryp, sanaqty onlaın ótýge shaqyrady. sanaq.gov.kz saıty 15 qazanǵa deıin táýlik boıy qoljetimdi bolmaq. Onlaın sanaqtan ótpegender 1-30 qazan aralyǵynda ıntervıýerlerdiń saýaldaryna jaýap bere alady. Barlyq saýaldar boıynsha 1446 baılanys ortalyǵyna habarlasýǵa bolady. Qońyraý shalý tegin. Qazaqstanda árkim mańyzdy!»,-delingen habarlamada.