Ulttyq rýxty kótermeı eshqandaı shynaıy modernızatsııa jáne órkendeý bolmaıdy - Qýat Dombaı
ASTANA. QazAqparat - Búgin «Egemen Qazaqstan» respýblıkalyq gazetinde jarııalanǵan Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasyna oraı sarapshy Qýat Dombaı osyndaı pikir bildirdi, dep habarlaıdy QazAqparat.
Óz sózinde Prezıdenttiń qazaq tilindegi maqalasyn Qýat Dombaı erekshe mańyzdy dep atap ótti. «Maǵan Elbasynyń ne aıtqanyn bilý úshin qazaqsha oqýǵa týra keldi. Osylaısha bárimiz úırenemiz. Basqa ulttarǵa tıispeı, eń aldymen, biz qazaqtar óz aramyzda qazaqsha sóıleýimiz kerek. Solaı istesek, basqalar da úırenedi», - deıdi Q. Dombaı.
Sonymen qatar, ol Elbasy baǵdarlamalyq maqalasynan eki nársege rıza bolǵanyn jetkizedi. «Birinshisi - ulttyq rýxty kótermeı, eshqandaı shynaıy modernızatsııa jáne órkendeý bolmaıdy. Tarıxynda eń aldymen adal ıdeıamen rýxty kótergen elder ǵana tez órkendi. Amerıkaǵa qarasańdar da bolady nemese Germanııa, Japonııa, Keńes Odaǵy, qazirgi Qytaı, Malaızııa jáne Sıngapýr - sol elderdiń bári eń aldymen óz rýxyn kótergen. Rýxty xalyqqa adal ıdeıa bolsa, eshqandaı kedergi joq», - deıdi Q. Dombaı.
Onyń aıtýynsha, maqalada jalpy durys jobalar usynyldy. Sonyń biri -latyn álipbıine kóshý. «Álemge kirý úshin latyn álipbıine kóshý, jańa jas zamanaýı jetekshilerdi qoldaý taǵy birneshe usynystar bar. Durys dep oılaımyn. Jalǵyz qorqatynmyn - josparlarymyzdyń bári jaqsy boldy, olardy dúnıege jetkizý másele bolyp jatqan joq pa? Іske sát dep tilep jatyrmyn», - dep jazady ol.
