Ulttyq parkterdiń úlken áleýetin paıdalana almaı otyrmyz – Vıtse-mınıstr

BÝRABAI. QazAqparat – Mádenıet jáne sport vıtse-mınıstri Erjan Erkinbaev ulttyq parkterde ınfraqurylym salý máselesin kóterdi, dep habarlaıdy QazAqparat tilshisi.

«Ekotýrızm álem boıynsha qarqyndy damyp kele jatqan saıahat túri. Qazaqstannyń da ekotýrızmde úlken áleýeti bar, biraq ulttyq parkterde qarapaıym ınfraqurylymnyń joqtyǵy kedergi bolyp otyr. Sondyqtan, Ashat Razdyquly (Mádenıet jáne sport mınıstri Ashat Oralov – red.), ákimdikterde zańnamalyq quzyrettiń bolmaýyna baılanysty, eldi mekenderden tys jerlerde jáne ulttyq parkter aýmaǵynda týrızm ınfraqurylymyn damytý boıynsha óńirlerdiń quzyretterin bekitýdi qoldaýdy suraımyz», - dedi Erjan Erkinbaev týrızmdi damytý máseleleri jónindegi kóshpeli alqa otyrysynda.

Spıkerdiń aıtýynsha, ulttyq parkterdi balansta ustaıtyn Ekologııa mınıstrligi ınfraqurylym salýmen aınalyspaıdy, olarǵa bıoalýantúrlilikti saqtaý mindeti júktelgen.

«Ákimdik te ulttyq park aýmaǵynda qurylys júrgize almaıdy, óıtkeni bul jer ákimdik quziretinde emes. Osyǵan baılanysty týrızmdi damytýdaǵy ulttyq parkterdiń úlken áleýetin paıdalana almaı otyrmyz», - dedi E. Erkinbaev.

Aıta keteıik, ótken jyly 8 mln qazaqstandyq el ishinde saıahattaǵan jáne árbir tórtinshi týrıst ulttyq parkterge barǵan. Qazaqstanda 14 ulttyq park tirkelgen.

Buǵan deıin vıtse-mınıstr Alakól jaǵalaýyn nyǵaıtý men Balqash jaǵalaýyn abattandyrýǵa qosymsha qarajat keregin aıtqan edi.