Ulttyq parkterdi damytý məselesi jónindegi qoǵamdyq keńes quryldy
Qazaqstannyń Ekologııa, geologııa jəne tabıǵı resýrstar mınıstri Maǵzum Myrzaǵalıev elimizde ulttyq parkterdi damytý jónindegi ulttyq keńes qurý týraly bastama kóterdi. Bul týraly ol óziniń Twitter paraqshasynda jazdy.
«Almaty jurtshylyǵynyń Іle Alataýy ulttyq parkin abattandyrý məselesine alańdaıtynyn bilem. Barlyq týyndaǵan məselelerdi sheshý úshin bizdiń vedomstvo quramyna saladaǵy sarapshylar, mınıstrlik ókilderi, jurtshylyq, ekobelsendiler kiretin Ulttyq parkterdi damytý jónindegi qoǵamdyq keńes qurý bastama kóterdi», - dep jazdy M.Myrzaǵalıev.
Onyń aıtýynsha, keńes «ınvestordyń mindettemelerin oryndaýyna, ulttyq parkterdi damytý josparyn talqylaýǵa qatysýǵa, qajet bolǵan jaǵdaıda, onyń aspektilerin iske asyrýǵa əser etýge baqylaý jasaı alady».
Mınıstr barlyq múddeli tulǵalardy keńeske qosylýǵa shaqyrdy.
«Tek birikken kezde ǵana biz tabıǵat baılyǵyn saqtaı alamyz», - dep atap ótti ol.
Ekologııa mınıstrliginiń basshysy mınıstrliktiń ulttyq parkterdi «tabıǵatqa júk túsirmeı» damytýdy kózdep otyrǵanyn eske saldy.
«Qazirde olardy damytý kezinde aýqymdy ǵımarattar salýdy qoıyp, eko-týrızmdi damytýǵa, júrginshiler jolyn salýǵa, tek jeńil nysandar salýǵa nazar aýdarý qajet. ıAǵnı qorshaǵan ortaǵa orynsyz kıligý bolmaýy tıis», - dep atap kórsetti M. Myrzaǵalıev.
