Ulttyq parkterdi damytý keńesi qurylady
«Keıingi kúnderi áleýmettik jelilerde ulttyq parkterdiń aýmaǵy uzaq merzimge beriledi eken degen syńaıda aqparat tarap ketti. Ulttyq parkterdiń taǵdyryna alańdaýshylyq bildirgen azamattardyń bárine de rahmet. Bizdiń mınıstrlik ashyq dıalogqa qashan da daıyn. Meniń orynbasarym osymen eki apta boıy eko-belsendilermen kezdesip, týyndaǵan máseleni talqylap jatyr», - dedi Ekologııa, geologııa jáne tabıǵı resýrstar mınıstri Maǵzum Myrzaǵalıev OKQ ótken halyqqa esep berý kezdesýinde.
Sonymen qatar, Maǵzum Myrzaǵalıev óziniń bastamasymen Ulttyq parkterdi damytý keńesi qurylatynyn jetkizdi. Onyń quramyna atalmysh salanyń sarapshylary, mınıstrliktiń ókilderi men eko-belsendiler kiredi.
«Keńes ınvestordyń mindettemesiniń oryndaýyn baqylap, ulttyq parkterdi damytý josparyna atsalysa alady. Halyqpen birge ortaq mámilege kelip, ulttyq parkterdegi ekologııalyq týrızmdi damyta alarymyzǵa senimdimin», - dedi ol.
