Ulttyq parkterde vızıt-ortalyqtar men etno-aýyldar ashylady
«Týrızmdegi órkenıetsiz kózqaras bizdiń tabıǵatymyzǵa, biregeı tabıǵı obektilerimizge keri yqpalyn tıgizedi. Barlyǵymyz buǵan san ret kóz jetkizdik. Sondyqtan ekologııalyq, uıymdastyrylǵan týrızmdi damytý qajet. Al Qazaqstanda ekotýrızmniń áleýeti zor», - dedi mınıstr OKQ-da ótken baspasóz máslıhatynda.
Maǵzum Myrzaǵalıevtyń Memleket basshysynyń el ishindegi ekologııalyq týrızm mádenıetin belsendi damytýdyń mańyzdylyǵyn atap ótkenin eske saldy. Jumys bastalyp ta ketken. Qazirgi ýaqytta Qazaqstanda 13 ulttyq park bar.
2019 jyly kelýshiler sany 1,5 mln adamǵa jetken. Búgingi kúni ulttyq parkterde kólik úshin jabdyqtalǵan turaqtar, kempıngter, jańa sanıtarlyq kabınalar múlde jetkiliksiz.
«Biz halyqaralyq tájirıbeni esepke ala otyryp, negizgi nazardy marshrýttar men soqpaqtardy damytýǵa jáne jabdyqtaýǵa aýdaramyz. Zamanǵa saı vızıt-ortalyqtar, medıtsınalyq pýnktter, kempıngter, etno-aýyldar qurylady. Osyǵan baılanysty, tıisti master-josparlar ázirlenýde. Ol sharýalar jurtshylyqpen talqylanýda. Qabyldanatyn sheshimderdiń ashyqtyǵyn qamtamasyz etý maqsatynda ulttyq parkter janynda Qoǵamdyq keńester quryldy. Almaty tobynyń Ulttyq parkterinde: Іle Alataýy, Sharyn, «Altyn Emel» jáne «Kólsaı kólderinde» ekotýrızmdi damytý kontseptsııalary ázirlenip, olardyń prezentatsııalary ótkizildi», - dedi ol.
Mınıstr odan basqa qalǵan barlyq ulttyq parkte ekotýrızmdi damytý boıynsha tıisti kontseptsııalar ázirlenip jatqanyn baıan etti.
«Mınıstrlik Birikken Ulttar uıymynyń damý baǵdarlamasymen birlesip erekshe qorǵalatyn tabıǵı aýmaqtardyń týrıstik marshrýttarǵa jáne ekologııalyq joldarǵa rekreatsııalyq júktemeni anyqtaý jóninde ádistemelik usynymdar ázirlep jatyr. Jalpy erekshe qorǵalatyn tabıǵı aýmaqtarda ekologııalyq týrızmniń damýy, eń bastysy, el azamattarynyń tabıǵatty qorǵaýǵa, týrıstterge qaýipsiz jáne qolaıly jaǵdaı jasaýǵa, jergilikti turǵyndardy qyzmet kórsetý salasyndaǵy jańa jumys oryndarymen qamtamasyz etýge múmkindik beredi», - dedi Maǵzum Myrzaǵalıev.
