Ulttyq paralımpıadalyq komıtettiń jańa bas hatshysy saılandy
Qaırat Boranbaev Dıas Súleımenovti jańa taǵaıyndalýymen quttyqtady. Sondaı-aq ol ulttyq paralımpıadalyq komıtettiń Rıo-de-Janeırodaǵy paralımpıadalyq oıyndar aldyndaǵy mindetterin belgilep, barlyq qyzmetkerlerge jumysta tabys tiledi, dep habarlady UPK-niń baspasóz qyzmetinen.
UPK-niń prezıdenti Dıas Súleımenovtiń sportty damytýda jumystyń úlken tájirıbesine ıe ekenin atap ótti. Qazirgi ýaqytta ol elordalyq boks federatsııasyn basqarýda, joǵary jetistikter sportyn damytý máselelerimen jaqsy tanys, budan basqa Dıas Súleımenov «Qamqor Menedjment» JShS kópsalaly holdınginiń bas dırektory bolyp tabylady.
Keńeıtilgen otyrystyń barysynda sondaı-aq Qazaqstanda halyqaralyq standarttar boıynsha birinshi paralımpıadalyq jattyǵý ortalyǵyn qurý, «Fýtbol 7h7» sııaqty jańa sport túrlerin damytý máseleleri qarastyryldy, budan basqa, ulttyq paralımpıadalyq komıtettiń jalpy alǵanda qarjylyq jaǵdaıy talqylandy.
Keńeste qazaqstandyq paralımpıadalyq sport úshin jaǵymdy jańalyqpen UPK-niń atqarýshy dırektory Erlan Súleımenov bólisti - biz 2016 jyly Rıodaǵy Paralımpıadalyq oıyndarǵa qatysý úshin birinshi joldama aldyq.
